Մեր մասին
ՙՀույս և օգնություն՚ ՀԿ-ն ստեղծվել է 1998թ. մի շարք շահագրգիռ բժիշկների, հոգեբանների կողմից: ՀԿ-ին անդամակցում են փորձառու բժիշկներ, հոգեբաններ, մանկավարժներ, ուսանողներ և տարբեր մասնագիտություններ ունեցող շահագրգիռ անձինք:
ՙՀույս և Oգնություն՚ ՀԿ-ն շահույթ չհետապնդող հասարակական բարեգործական կազմակերպություն է, որը գործում է իր անդամների կամավոր մասնակցության, ՀՀ Սահմանադրության, գործող օրենսդրության և իր կանոնադրության հիման վրա:
Առաքելությունը
Նպաստել ՀՀ բնակչության առողջության բարելավմանը և պահպանմանը` նպատակային առողջապահական և սոցիալական ծրագրեր իրականացնելու միջոցով:
Նպատակներ
Նպաստել ՀՀ բնակչության սեռական, վերարտադրողական և հոգեկան առողջության բարելավմանը և պահպանմանը` բնակչության իրազեկության բարձրացման և կենսական հմտությունների ուսուցման միջոցով: ՀԿ-ի գործունեությունը հիմնականում ուղղված է երիտասարդների, դեռահասների, ծնողազուրկ, անօթևան, ֆիզիկական արատ ունեցող մարդկանց:
Հկ աշխատում է հետևյալ ուղղություններով. 1. Շահերի պաշտպանություն, 2. ՄԻԱՎ/ՁԻԱՀ-ի վնասի նվազեցում պատանիների, երիտասարդների, հասարակության լայն շրջանակների, բարձր ռիսկային խմբերի` մարմնավաճառների շրջանակում 3. Մարդկանց առևտրի /թրաֆիքինգի/ կանխարգելում: Թրաֆիքինգից տուժածների աջակցություն և հասարակության մեջ ինտեգրում :
Նպաստել քաղաքացիական հասարակության ձևավորման գործընթացում երիտասարդության ներգարվմանը:
Երիտասարդներին ներգավվել հասարակական կազմակերպությունների գործունեության մեջ:
Խնդիրները
Բնակչության իրազեկության բարձրացում տարափոխիկ, սեռավարակային հիվանդությունների ու ՁԻԱՀ-ի վերաբերյալ`
- սեռավարակների ու ՁԻԱՀ-ի զոհերին բժշկական խորհրդատվության տրամադրում, բարոյական, հոգեբանական, նյութական աջակցության ցուցաբերում,
- առողջապահական և ուսումնական հիմնարկների աշխատակազմի մասնագիտական հմտությունների կատարելագործում,
- հասարակության հոգատարությունից դուրս մնացած անձանց /մարմնավաճառներին, թափառաշրջիկներին/ աջակցության ցուցաբերում,
- սեռավարակների ու ՁԻԱՀ-ի, վերարտադրողական առողջության պահպանման վերաբերյալ գիտաբժշկական, սոցիալական և հոգեբանական ուսումնասիրությունների կատարման հարցում աջակցության ցուցաբերում:
Աջակցություն մարդկանց առևտրի /թրաֆիքինգի զոհերին`
- բնակչության իրազեկության բարձրացումը մարդկանց առևտրի/թրաֆիքինգի վերաբերյալ,
- սոցիալ-հոգեբանական, իրավաբանական խորհրդատվության տրամադրում մարդկանց առևտրի /թրաֆիքինգի զոհերին, ուղեկցում առողջապահական հաստատություններ, սոցիալական ծառայությունների տարածքային գործակալություններ, դատարաններ, ոստիկանություն և քննչական կոմիտե,
- ժամանակավոր ապաստարանի տրամադրում մարդկանց առևտրի/թրաֆիքինգի զոհերին,
- մարդկանց առևտրի/թրաֆիքինգի զոհերի հայտնաբերում և աջակցության ցուցաբերում անվճար օգնության հեռախոսի միջոցով:
Երիտասարդական աշխատանքների իրականացում`
- երիտասարդների իրազեկվածության բարձրացում մարդկանց առևտրի /թրաֆիքինգի, ատելության խոսքի, հալածանքի/կիբերհալածանք համացանցում ապահով վարքագծի, մարդու իրավունքների, աշխատանքային իրավունքների, ինչպես նաև բռնության կանխարգելման վերաբերյալ:
Հկ աշխատում է հետևյալ ուղղություններով
- Շահերի պաշտպանություն
- ՄԻԱՎ/ՁԻԱՀ-ի վնասի նվազեցում պատանիների, երիտասարդների, հասարակության լայն շրջանակների, բարձր ռիսկային խմբերի` մարմնավաճառների շրջանակում
- Մարդկանց առևտրի /թրաֆիքինգի/ կանխարգելում: Թրաֆիքինգից տուժածների աջակցություն և հասարակության մեջ ինտեգրում
- Միգրանտների և փախստականների կամավոր վերադարձ և վերաինտեգրում
- Երիտասարդների փոխանակման ծրագրեր
|